15–21 Mawrth

21 1953 (Sad.) Twrnament bocsio amatur yn y Neuadd Ymarfer. Dewch i weld Bois y Llynges yn clatsho’i gilydd!

21 1951 (Mer.) Dosbarthu gwobrau yn yr Ysgol Uwchradd. Siaradwr gwadd Capten Roderic Bowen AS.
20 1970 (Gwe.) 10.00 am Ail-agor Hodges Mens Shop. Siwt o ddillad i ddynion am £16.16s.
20 1918 (Mer.) Claddu Carolina Joanna VANDE WALLE, Stryd San Mair, 71, gwraig Leudvircus (Belgian Refugee)

19 1991 (Maw.) Marw O. M. Owen (Mr Gwyl Fawr Aberteifi). Claddwyd 22 Mawrth 1991. Ganwyd ym Mhlaenporth Gorffennaf 1912. Symudodd i Lundain am 15 mlynedd gan ddychwelyd fel rheolwr stadau. Sefydlodd ef a’i wraig rownd llaeth yn y dre ac wedyn agorodd siop ym Maesglas. Roedd yn gynghorydd y dre am dros 30 mlynedd, ac yn Faer yn 1975, 1977 a 1989. Roedd yn fwyaf adnabyddus fel ysgrifennydd Gwyl Fawr Aberteifi ac ysgrifennydd y Sioe. Cafodd MBE yn 1979 am ei wasanaeth i’r gymuned.
18 1949 (Gwe.) Mae Mr David Jones Watts, drapers (Cardigan) Ltd.) yn awyddus i gyhoeddi fod dewis o nwyddau’r Gwanwyn wedi cyrraedd. Mae rhain yn cynnwys adran fendigedig o gotiau enwog Windsmoor a chynllunwyr eraill o Lundain. Hefyd dewis o ddillad priodas. Argymhellir cwsmeriaid hen a newydd i ymweld â’r siop yn fuan er mwyn sicrhau dewis da. Cofiwch alw. Mae croeso cynnes i chwi i gyd.
18 1949 (Gwe.) Shire Hall. Unrhywbeth i chi eisiau mewn dodrefn. Dodrefn stafell wely cyfan am £46.13.3 3-piece suites £37.8.0d
17 1873 (Llun) Achub saith o bobl o’r Scwner ‘Dollart’ o Delzium, Hanover, gan y bad achub ‘John Stuart’.
16 1900 (Gwe.) Llyfrau, Beiblau, a llyfrau gweddi’r SPCK ar werth yn siop ddillad H. Morgan, Stryd Fawr.
15 1934 (Iau) SS Herefordshire mewn trafferth. Cyfle i gael sêl dda o nwyddau cyn bo hir!
15 1888 (Iau) Bu farw Owen Lloyd Thomas, perchennog y Teifiseid. Claddwyd ym mynwent yr Eglwys